वीरगंज फाईनान्स लिमिटेडको लालबन्दी शाखा उद्‍घाटन सम्बन्धी प्रेस बिज्ञप्‍ति

बीरगंज फाइनान्स लिमिटेडको पाँचौ शाखा सर्लाहीको लालबन्दीमा विधिवत रुपमा उद्‍घाटन भयो । यस वित्तिय संस्थाका अध्यक्ष श्री विजय कुमार सरावगीले उक्त शाखाको उद्‍घाटन गर्नुभएको थियो साथै संस्था उद्‍घाटनको दिन सम्ममा करिब रु. ३ करोड निक्षेप संकलन गरेको थियो । उक्त अवसरमा स्थानिय उद्योगी, व्यापारी, बुद्धिजीवि, नागरीक समाजका व्यक्तित्व, पत्रकार एवं अन्य महानुभावहरुको उल्लेखनिय रुपमा उपस्थिती रहेको थियो । संस्थाले यस भन्दा अघि वीरगंजको आदर्शनगर, काठमाण्डौको कमलादी, तथा गोगंबु तथा सुनसरीको इटहरीवाट वित्तीय कारोवार संचालन गर्दै आइरहेको छ । हाल लालबन्दिको उक्त शाखा कार्यालयमा कुल ५ जना कर्मचारीहरूबाट कारोवार सञ्चालन गरिनेछ भने श्री निरज नेपाल उक्त शाखाको शाखाप्रवन्धक हुनुहुन्छ ।

वित्तीय संस्थाले गत आर्थिक बर्ष २०६५/६६ मा रु.१४८.३९ करोड निक्षेप तथा सापटी संकलन गरी रु. १४६.३५ करोड कर्जा तथा लगानी गरेको थियो भने सोहि अबधिमा रु. ४.०३ करोडको सञ्चालन मुनाफा आर्जन गरेको थियो र चालु आ.व.को प्रथम ४ महिनामा कम्पनीले करीव रु.२०० करोड निक्षेप तथा सापटी संकलन गरी रु.२२० करोड कर्जा प्रवाह गरेको छ र सोही अबधीमा करीब रु. १ करोड ५० लाख संचालन मूनाफा आर्जन गरेको छ । कम्पनीको कारोवारलाई अझ पभावकारी,पारदर्शी तथा चूस्त बनाउदै लैजाने तथा ग्राहक वर्गको हित अनुकुल हुने खालका निक्षेप तथा कर्जा लगानीका योजनाहरु सञ्चालनमा ल्याईएका छन । जस अनुशार रेमिटेन्स बचत को साथ साथै दैनिक मौज।दातमा ९.५०% को दरले ब्याज प्रदान गर्ने लगानी बचत खाता, शेयरधनी बचत खाता तथा बार्षिक १०.५०% ब्याज प्राप्‍त हुने महिला सुरक्षा मुद्दती खाता जस्ता आकर्षक बचत तथा मुद्दति योजनाहरु हालै सञ्चालनमा ल्याएको छ । अन्य बचत निक्षेप अर्न्तर्गत ७.०० देखी ८.५० प्रतिशत सम्म तथा मुद्धती निक्षेप तर्फ ७.५ प्रतिशत देखी १०.०० प्रतिशत सम्म प्रतिफल प्राप्‍त गर्न सकिने किसिमका निक्षेप योजनाहरु सञ्चालनमा रहेका छन् ।

साथै आगामी दिनमा मोरङको बिराटनगरमा एक शाखा कार्यालय उद्‍घाटनको हुन बांकि छ बांकि छ भने काठमाण्डौको न्युरोडमा एक, सुनसरीको ईनरूवामा एक तथा रौतहटको चन्दरनिगाहपुरमा एक शाखा कार्यालय स्थापना गर्ने लक्ष अनुशार पूर्बाधार निर्माणको काम भईरहेको छ तथा अन्य संभाव्य स्थलहरुको चयन गरी केही थप शाखा मार्फत कारोवार विस्तार गरी ग्राहकवर्गहरुलाई थप सुविधा पुर्‍याउने लक्ष्य राखीएको छ । साथै, अन्तरशाखा संजाल मार्फत ग्राहक वर्गलाई सेवा सुविधा दिने अभ्रिप्रायले एविविएस सेवा तथा एसएमएस बैंकिंक सेवा समेत कम्पनीका सवै शाखाहरुबाट उपलव्ध गराइएका छन् । साथै बचतकर्ताहरुको थप सुबिधाको लागि निकट भविष्यमा एटिएम सेवा समेत सञ्चालन गर्ने योजना रहेको छ ।

मिति : २६ मार्ग २०६६, शुक्रवार

लालबन्दी, सर्लाही ।

(पुष्प राज भण्डारी)

प्रमुख कार्यकारी अधिकृत